GRUPU DE COMUNICACIÓN ALTERNATIVA FUNDÁU NA CIUDÁ DE XIXÓN EN 1985 | 105 FM

"Radio abierta a quienes no tienen voz en los medios convencionales, a los movimientos sociales y a quienes piensan que otra comunicación es posible".

16 de noviembre de 2026

Ximiélgalo Radio Show Ep.150 Orixinal




Nesti nuevu episodiu ximielgueru entamamos sintiendo un cenciellu a 45rpm de Donovan Carless, quien tamién participó nel temazu de The Little Roys "Bongo Nyah", el cuál sintimos de fondu. 
Siguiendo colos vinilos tiramos d'un nuevu volumen de la Riddimciclopedia na que sintimos dos temas col mesmu ritmu, "The Return of the Django" y "Sick and Tired", y pesllamos l'entamu vinilísticu con un rub a dub del gran Al Campbell. 

Na parte central del programa Caveman recupera la estaya "From Kingston to London", anque nesta ocasión muevese a Birmingham pa falar de la banda Steel Pulse y el so discu "Handsworth Revolution". Sintimos el discu en CD casi al completu y tamién ponemos un vinilu de David Hines nel sellu Heartical Sound. 

Y pa trancar el programa, como casi siempres novedubs fresques. D'esta vuelta sintimos a Tarraco Reggae en Liquidator Music, a Hit Bound en A-Lone Ark, a Clinton Fearon, a Binghi y la collaboración ente Steel Alive y Baltimores.